Search
  • BULGAR

Worried sa nakakapang bukol sa dibdib

SHANE M. LUDOVICE, M.D / SABI NI DOC

Dear Doc. Shane,

Ako ay 35 years old, madalas na masipa ng 2 years old kong anak ang aking mga suso kapag nakahiga o natutulog kami. Gus­to kong malaman kung maaari itong maging dahilan ng breast cancer, gayun­din ang pagsusuot ng masikip na bra kasi may nakakapa akong mga bukol sa aking mga suso at nababa­hala ako rito? Ano kaya ang mabuting gawin? — Gina Morales

Sagot

Walang maituturing na pangunahing dahilan sa pagkakaroon ng breast cancer ng babae, gayundin pinabulaanan ang koneksiyon ng isi­nu­­suot na bra sa pagka­ka­roon ng naturang sakit.

Gayundin, hindi di­rektang nakaaapekto ang traumang natatamo ng babae sa kanyang suso at karamihan sa mga bukol na makapa ay hindi cancer.

Mayroong dalawang klase ng bukol na maa­a­ring matagpuan sa babae, ang cyst at laman sa bukol. Ang cyst ay tubig ang laman, pang­ka­raniwan ito at hindi nakababahala. Sa kabi­lang banda, ang pangala­wang klase ay ang solid kung saan ‘laman’ ang laman ng bukol.

Narito ang stages ng breast cancer:

Stage 1

Napakaliit ng bukol dito o kapag wala pang 0.7 centimeters ang la­ki. Sa ganitong sitwas­yon, puwedeng hindi mag-chemotherapy o depende sa klase ng bukol para malaman kung kailangan mo nang mag-chemo.

Stage 2

Rito, kinakailangan nang sumailalim sa chemotherapy.

Stage 3

Sa pagkakataong ito, malaki na ang bukol at mayroon ng kulani at kailangan nang tanggalin ang pinagmumulan ng bukol sa suso at ang mismong suso.

Gayunman, kung mayroong kapamilya na tinamaan ng breast cancer, hindi ito kasigura­duhan na magkakaroon ka rin ng naturang sakit, subalit, maaaring mataas ang tsansa na makakuha nito. Maaari ring obser­bahan kung mayroong mga pagbabago sa suso, tulad ng paglabas ng nip­ples na maaaring senya­les ng sakit, ga­yun­din kung mayroong nakaka­pang bukol sa suso, dapat ay kumon­sulta agad sa doktor upang makapagpa- ultra-sound at maagapan ito upang hindi na lumala.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.