ST. CLARE AT ENDERUN NA ANG SASABAK SA NAASCU FINAL

ANG defending cham­pion Saint Clare College of Caloocan at ang nakakagulat na Enderun Colleges ang maglalaro para sa kam­peo­nato ng 18th National Athletic Association of Schools, Col­le­ges and Universities (NA­ASCU) handog ng Bitcoin Cash matapos nilang walisin ang kanilang mga hiwalay na serye sa semifinals noong Sabado sa Rizal Techno­logical University. Pinabag­sak muli ng Saint Clare ang New Era University, 78-62, habang umulit ang Enderun sa De Ocampo Memorial College, 92-86.

Uminit agad si Junjie Hal­lare at gumawa ng 11 pun­tos upang umarangkada ang Saint Clare,13-4. Tulu­yang pinalaki nila ng Saints ang kanilang lamang ng 28 puntos bago matapos ang ikatlong quarter, 60-32, sa­lamat sa dalawang magkasu­nod na tres ni Rojay Santos.

Tinapos ni Santos ang laro na may pitong tres para sa 21 puntos. Sumunod sa kanya si Hallare na nagdag­dag ng apat na puntos para sa kabuuang 15 puntos at walong rebound.

Sa kabilang serye, nag­pakitang husay muli si Va­landre Chauca sa pamama­gitan ng kanyang pitong tres upang itulak ang Enderun sa 68-52 na kalamangan. Big­lang lumamig ang laro ni Chauca sa huling quarter at ito ang naging pagkakataon ng Cobras upang bumawi at agawin ang kalamangan pa­lapit ng huling dalawang minuto, 84-83. (A. Servinio)