Pulis na natutulog | I-REPORT N’YO — PNP CHIEF

HINIKAYAT ni Phi­lippine National Police (PNP) chief Director Ge­neral Oscar Albayalde ang publiko na i-report ang sinu­mang mahuhuling pulis na natutulog habang naka-duty. Aniya, kunin lamang ang pangalan at ipagbigay-alam kaagad ito sa kanilang opi­sina.

Matatandaang, nahuli ng PNP Internal Affairs Service (IAS) ang hindi bababa sa 14 na pulis na natutulog sa loob ng kanilang patrol vehicles sa gitna ng duty sa iba’t ibang parte ng Metro Manila.

Dagdag pa ni PNP-IAS Insp. Gen. Alfegar Triam­bulo na patuloy silang na­katatanggap ng ulat mula sa mga sibilyan hinggil dito. (BRT)