Nayamot sa tagal na kumakatok | TIYUHIN SINUNTOK, DEDBOL

NASAWI habang gina­gamot sa ospital ang isang lalaki makaraang suntukin ng kanyang pamangkin, ka­makalawa nang gabi sa Si­nait, Ilocos Sur.

Nakilala ang biktima na si Timoteo Ravis, habang ang suspek ay si Edgar Ravis, kapwa naninirahan sa na­banggit na lugar.

Ayon sa ulat, nagpunta ang suspek sa bahay ng bik­tima subalit, sa tagal umano nitong kumakatok sa pin­tuan ay nayamot ito. Pagbukas ng pintuan ng biktima na nasa kasarapan pala ng tulog ay nagalit ang suspek.

Nagkaroon ng pagtatalo ang mga ito kung saan na­pikon ang suspek at sinun­tok nito ang tiyuhin na sanhi ng pag­kabagok sa sahig.

Napag-alaman na lasing umano ang suspek kaya na­gawa niya ito sa tiyuhin.