Search
  • BULGAR

DAHIL SA DURA, LAKERS AT ROCKETS, NAGSUNTUKAN!


UMABOT sa suntukan, dahil inakusahan ng Houston Rockets players si Los Angeles Lakers Rajon Rondo na dinuraan si Chris Paul kaya naman doon nagsimula ang gulo sa pagitan ng laro ng dalawang team kahapon sa NBA Game kung saan ay pinagwagian ng Rockets, 124-115.

Nagkagulo sa laro na isa pa namang home debut ni LeBron James sa Los Angeles Lakers.

Isa nga sa naging da­hilan ng gulo, ayon sa Rockets players ay nan­dura si Rondo kay Paul naging dahilan para su­mugod sa panununtok si Brandon Ingram at sinun­dan ng iba pang suntukan sa last quarter ng laro.

Lahat naman ng video ay nirebyu, pero wala sa insidente na nakitang nan­dura ang Lakers point guard, pero ipinipilit ng Rockets na may nangya­ring pandudura.

“It was some heated stuff. I’m sure some spit was thrown,” ani Rockets head coach Mike D’An­toni. “You cross a line, it happens. The NBA will sort it out, and they’ll do a good job at it.”

Nagsilbing taga-awat pa si Carmelo Anthony, ang bagong Rockets wing sa away at aniya hinggil sa pandudura, “It was bulls***. Plain and sim­ple. Unacceptable,” sabi ni Anthony sa postgame. “We all know what hap­pened. Ain’t no need to keep going back and forth about that. What happened was unaccep­table. It shouldn’t have happened. And what hap­pened out there hap­pened.”

Ayon sa ESPN, ipinag­tanggol ng Lakers na nasa likod ni Rondo at sina­bing hindi ito nandura kay Paul.

Iimbestigahan pa ang naturang gulo ngayong gabi at magpapataw ng suspensiyon sa Linggo. Sa iba pang laban, nag­wagi ang Nuggets sa Suns, 119-91; nanalo ang Hornets sa Heat, 113-112; nanaig ang Pistons sa Bulls, 118-116; wagi ang Celtics sa Knicks, 103-101. (MC)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.