3,300 pulis ipakakalat sa undas

MAGPAPAKALAT ng nasa 3,300 mga pulis ang National Capital Re­gion Police Office (NC­RPO) para sa darating na Undas.

Ayon kay NCRPO chief, Director Guillermo Elea­zar, ito ay batay sa datos mula sa mga hepe ng iba’t ibang dis­trito sa Metro Manila.

Gayunman, bukod sa na­turang bilang, tiniyak ni Eleazar na mayroon pa ring mga naka-standby na pulis sa iba’t ibang mga himpilan na handang tu­mulong sa pagpapanatili ng katiwa­sa­yan sa Undas sa susunod na Linggo.

Aniya, sa kabuuan, may­roong 5,000 person­nel, ka­bi­lang ang mga pu­lis, kawani ng barangay at mga civil volunteer or­ganization ang nakaanta­bay para sa Undas.

Dagdag pa nito na sa su­sunod na Linggo ay si­si­mulan na nila ang ko­ordinasyon sa mga lokal na pamahalaan at mga pamunuan ng semen­teryo.

Hindi umano ito na­nga­­ngahulugang mapa­ba­baya­an na ng mga pulis ang pag­titiyak sa seguri­dad ng pub­liko, maging ang pagsasa­gawa ng anti-criminality operations.

Gayundin, mahigpit aniya nilang babantayan ang mga terminal ng bus, mga pantalan, istasyon ng tren, pati na rin ang Ninoy Aquino Internatio­nal Airport (NA­IA) na inaaasahang darag­sain ng mga uuwi para sa Undas. (BRT)