Tanod na tulak tigok sa pulis

DEDBOL ang isang da­ting tanod makaraang ma­kipagbarilan sa tropa ng pulisya sa Bgy. Dos, Ca­lamba City, Laguna.

Alas-12:20 ng hatinggabi nang ikinasa ang buy-bust operation laban sa suspek na si Oscar Sarip, residente sa naturang lugar.

Ipinain nila ang P500 marked money upang ma­kabili ng hinihinalang shabu kung saan kumagat ito hang­gang sa makatunog siyang police asset ang kanyang pi­nagbilhan.

Agad umano itong bu­munot ng baril saka ipinutok sa kanila kaya gumanti ang awtoridad na ikinasawi ni Sarip. Narekober sa crime scene ang ilang pakete ng sinasa­bing shabu, baril at marked money.