PINOY MONDILLA, KAMPEON, TINALO ANG MACEDONIAN SA ICTSI GOLF

NAGING makabulu­han ang apat na araw na paglalaro sa Luisita ni Clyde Mondilla nang pag­wagian ang P750,­000 na tagumpay sa ICTSI Invitational Golf na tinam­pukan ng 93 golfers galing sa 12 mga bansa.

Lumikom ang 23-anyos na tubong Cagayan de Oro City na unang naglaro sa National Team sa SEA Games, Pu

ra Cup at No­mura Cup 18-under-par 270 kasama ang final round 67 na pinalakas ng pitong birdies. “Para akong tumama sa lotto. Maa­gang Pamasko ito sa akin,” masayang sinabi ni Mon­dilla matapos sung­kitin ang una niyang panalo sa 15 appearances sa taong ito. Tinalo ni Mondilla sina Peter Stojanovski at ang taga-Davao na si Jay Bayron sa final round sa come-from-behind fashion na nilaro sa par 72 course. Lamang si Stoja­novski sa last round. Suba­lit hindi nakayanan ng taga-Macedonia (dating sakop ng Yugoslavia) ang matinding pressure at ku­sang bumigay sa huli at ma­pait na binigay ang kam­peonato sa Pinoy.

“I really want to win but I couldn’t handle the pressure. It’s quite frustrating to see things fall apart when the game was on the line. May be the tournament was not meant for me,” malungkot na sabi ni Stojanovski na isinilang sa Sydney, Australia.

Tumapos si Stojanov­ski ng 272 kasosyo ang kababayang taga-Sydney na si Tim Stewart na pu­malo sa final best round 65. Si Bayron ay nanguna sa 2nd round na tumapos ng 273 kasama ang final round 70 kasunod si Arnold Villavicencio ng 278.