SUV, sumalpok sa ospital

ISANG SUV ang sina­sabing nawalan ng kontrol sa loob ng parking lot ng isang ospital sa Bonifacio Global City, Taguig, kamakalawa, da­hilan para magiba ang isang pader papasok sa ele­vator area.

Sa inisyal na ulat, galing ang isang Mitsubishi Mon­tero Sport sa basement 4 par­king ng St. Luke’s Medical Center na minamaneho ni Johann Dizon, 53.

Sa pahayag umano ng driver sa pulisya, imbes pre­no ay silinyador ang kan­yang natapakan dahilan para big­laang umandar ang sasakyan.

Sa CCTV footage, ban­dang alas-7:30 ng umaga, makikita ang pagharurot ng sasakyan galing sa parking papasok sa elevator area.

Sa lakas ng impact, na­baklas ang pinto at nawasak ang bahagi ng pader sa na­sabing lugar. Wala namang na­saktan sa insidente. (BRT)