Problemado sa negosyo | MISTER NAGBIGTI

WALA ng buhay nang madiskubre ng kanyang misis ang isang negosyante matapos magbigti sa kani­lang bahay sa Bgy. Dapdap, Tayabas City, Quezon.

Pasado alas-7:00 ng gabi, pagpasok umano ng ginang sa kanilang bahay nang bumulaga ang nakabi­ting asawa na si Ricky Nantes, 44. Agad umano siyang hu­mingi ng tulong upang ma­ibaba ang biktima ngunit, wala na itong buhay.

Ayon sa misis, ilang araw na nitong napapansin ang matinding depresyon ng asawa. Posible umanong may kinalaman ito sa kani­lang negosyo. Samantala, wala namang palatandaang nakikita ang imbestigador na may naga­nap na foul play sa insidente.