Search
  • BULGAR

Karapatan laban sa paaralan na ayaw i-release ang mga dokumento ng kapatid

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Ang kapatid ko ay nakapagtapos na sa kolehiyo subalit, ang kanyang school rec­ords at credentials ay hindi raw maibibigay ng paaralan dahil nagkaroon daw siya ng disciplinary actions. Nabanggit daw sa desisyon sa kanyang kaso na maliban sa ibang parusa ay hindi raw maibibigay ang kanyang school rec­ords at credentials sa loob ng isang taon matapos ang kanilang graduation.

Gayunman, mahi­git isang taon na pero, hindi pa rin naibibigay ang mga dokumento at ang rason ay may utang pa raw siya na hindi nabayaran, ngu­nit, mayroong hawak na mga resibo ang kapatid ko bilang patunay na nabayaran niya ang lahat ng kan­yang liabilities bago ang kanilang graduation. Ano ang dapat naming gawin?— Viray

Dear Viray,

Para sa inyong kaa­la­man, ang relasyon ng paaralan at mga mag-aaral ay itinuturing na isang kontrata. Ang kontratang ito ay ipina­liwanag ng Korte Sup­re­ma ni dating Punong Mahis­tra­do Artemio Pangani­ban sa kasong Regino vs. Pangasinan Colleges of Science and Technology (G.R. No. 156109, November 18, 2004) na nagsabing:

“In Alcuaz v. PSBA, the Court characterized the relationship between the school and the student as a contract, in which a student, once admitted by the school is considered enrolled for one semester. Two years later, in Non v. Dames II, the Court modified the termination of contract theory in Alcuaz by holding that the contractual relationship between the school and the student is not only semestral in duration, but for the entire period the latter are expected to complete it. Except for the variance in the period during which the contractual relationship is considered to subsist, both Alcuaz and Non were unanimous in characterizing the school-student relationship as contractual in nature.

The school-student relationship is also reciprocal. Thus, it has consequences appurtenant to and inherent in all contracts of such kind —it gives rise to bilateral or reciprocal rights and obligations. The school undertakes to provide students with education sufficient to enable them to pursue higher education or a profession. On the other hand, the students agree to abide by the academic requirements of the school and to observe its rules and regulations.” [Binigyang-diin.]

Maliwanag sa na­banggit na kaso na ang ugnayan ng inyong kapa­tid at ng paaralan ay isang kasunduang itinu­turing sa batas sa mag­ka­bilang panig kung saan mayro­ong mga panun­tunan at obligasyon na dapat ma­su­nod at ma­gampa­nan. Ang paaralan ay may responsibilidad na tu­ruan ang inyong kapatid at bigyan ng edukasyong naaayon sa batas, gayun­din ang kapatid mo ay may tungkuling sumu­nod sa mga ipinaiiral na panuntunan sa paaralan. Sa kadahilanang siya ay sumuway sa panuntunan ng paaralan, naaayon na siya ay magtamo ng parusa tungkol dito na siyang bahagi ng kanilang kontrata.

Subalit, dahil mali­wa­nag sa naging desis­yon sa kaso niya na isang (1) taon lamang ang pag-withhold sa kanyang records at credentials, nararapat na maibigay na ang mga ito sa inyong kapatid sapagkat ang paaralan mismo ang nagsabi ng kondisyon kung kailan ito maaaring i-release. Lumipas na ang isang (1) taon at kung mayroon mang iba pang dahilan para i-withhold ang mga ito at mayroong maipakikitang kasagutan dito ang inyong kapatid na wala na siyang pananagutan, tungkulin din ng paaralan na mai­bigay ang mga doku­men­tong ito bilang ba­hagi ng kanilang kontra­ta mata­pos maisakatu­paran ang mga kondis­yong sila mismo ang nagpabatid.

Nawa ay nasagot namin ang inyong mga katanungan. Nais na­ming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkaka­intindi namin dito. Maaaring maiba ang opinyon kung mayro­ong karagdagang im­pormasyong ibibigay. Mas mainam kung personal kayong sasang­guni sa isang abogado.

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.