Namemeke ng ATM at credit cards, timbog

ARESTADO ang isang lalaki na gumagawa ng mga pekeng ATM at credit card sa Bonifacio Global City sa Taguig.

Nakumpiska sa suspek na si Gerard Joseph Liwag, ang 80 piraso ng iba’t ibang credit cards, pekeng pasa­porte, card printer, embos­sing machine, high-defini­tion printer, removable storage device, skimming device, laptops, point-of-sale card ter­minal, USB hub at mga blank card.

Isinagawa ng NBI ang operasyon noong Oktubre 9 sa isang condominium sa nabanggit na lugar sa bisa ng arrest order ng Pasig RTC base sa reklamo ng isang commercial bank dahil sa paggamit ng pekeng ATM at credit cards.

Bahagi umano si Liwag ng sindikato na ang target ay mall at casino sa Metro Ma­nila at Metro Cebu.

Ayon sa NBI, modus-ope­randi umano ang pagku­ha ng mga credit card infor­mation sa pamamagitan ng call centers at iba pang skim­mers sa ibang business es­tab­lishment para alamin kung magkano ang available limits at expiry date ng mga na­kopya nilang credit cards.