Nagta-tablet sa beach, sapol | 13 YRS. OLD PATAY SA KIDLAT

NAUWI sa trahedya ang dapat sana’y masayang se­lebrasyon ng kaarawan, ma­karaang masawi ang isang 13-anyos na lalaki nang tama­an ng kidlat sa Pontevedra, Negros Occidental.

Kinilala ang biktima na si Leonard Deles, first year high school student, na nag­tamo ng grabeng pagkasu­nog sa malaking bahagi ng kanyang katawan.

Naitakbo pa ang bina­tilyo sa Valladolid District Hospital subalit, binawian din ito ng buhay.

Ayon kay Police Senior Inspector Ryan Salazar, nag­tungo umano sa beach resort ang mag-anak upang ipagdiwang ang ikalimang taong kaarawan ng pinsang babae ng biktima.

Habang nasa kalagitna­an ng selebrasyon, alas-2:00 ng hapon nang biglang su­mama ang panahon at bu­magsak ang malakas na ulan na may kasamang kidlat.

Dito na tinamaan ng kid­lat ang biktima na nagkataong naglalaro ng kanyang gadget na tablet sa kabilang cottage.

Kasabay ng pagsabog ng gadget na hawak ng biktima, nadamay ang mag-amang Job at Juliana Detablan na kasa­ma sa cottage kung saan tu­mama ang kidlat.

Nagtamo ng ka­unting sugat ang mag-ama mula sa su­mambulat na gad­get na ngayon ay ligtas na.