Trike driver todas sa 3 riders

DEDO ang isang tricycle driver matapos pagtulu­ngang gulpihin at saksakin ng tatlong riders na unang nakaaway ng biktima sa Ma­la­bon City.

Dead-on-arrival sa Os­pital ng Malabon sanhi ng tinamong mga saksak sa ka­tawan si Jefferson Empleo, 27, ng Bgy. Longos.

Ayon kina SPO2 Jose­lito Bagting at PO3 Alcee Jumaquio, alas-6:45 ng gabi, mina­maneho ng biktima ang kanyang tricycle nang mag­karoon ng komprontasyon sa pagitan nito at ng tatlong lalaki na sakay ng mo­torsiklo sa kahabaan ng Alu­pihang Dagat St., Bgy. Longos.

Umawat sa pagtatalo si Lester Calvan, 26, isang Army reservist subalit, bago umalis ang tatlong riders, isa pang saksi na si Ro­dolfo Pa­ras, 40, ang nagsabi sa mga imbes­tigador na narinig niya ang isa sa mga lalaki na nag­banta ng, “babalikan ko ‘yan”.

Alas-7:00 ng gabi, na­katayo si Empleo sa harap ng kanyang bahay nang du­mating ang tatlong lalaki na umano’y kapareho sa mga rider na unang nasangkot sa pagtatalo ang nagtulung-tu­long sa paggulpi sa biktima.