Tiniyak ng DENR | BORACAY, MALINIS NA

INANUNSIYO ng De­partment of Environment and Natural Resources (DENR) na garantisadong ma­linis at cesspool free na ang isla ng Boracay.

Maging si Environment Sec. Roy Cimatu ay nagulat sa laki ng ‘transformation’ at pagbabago ngayon sa natu­rang isla.

Sinabi ng opisyal na siya mismo ang magbibigay ng garantiya sa publiko, parti­ku­­lar sa mga foreign tourist na ligtas para sa swimming at iba pang water activities ang Boracay matapos ang anim na buwan nitong re­habili­tasyon.

Dumaan sa pagsusuri ang tubig sa isla na rume­histro sa 18.1 mpn (most probable number) per 100 ml of coliform na pasok sa world standard.

Sa pagsisimula ng dry run kahapon bago ang naka­takdang re-opening sa pub­liko sa October 26 ay sinabi ni Cimatu na mahigpit ang kanilang gagawing pagmo­mo­nitor sa kabuuan ng isla.

Titiyakin umano nilang nakasusunod sa lahat ng mga environmental requirement ang lahat ng mga establisi­miyentong magpapatakbo ng kanilang negosyo.

Katuwang ng DENR ang Department of Interior and Local Government (DILG) at Department of Tourism sa pagbabantay sa kaayusan ng Boracay.

Sa pinakahuling tala, umaabot lamang sa 68 es­tablishments ang binigyan ng go-signal ng pamahalaan para mag-operate ng ne­gosyo sa isla.

Pinapayuhan din ang mga turista na tiyaking DOT-ac­credited ang kani­lang mga tutuluyang hotel sa Boracay dahil kung hindi ay hindi sila papayagang pu­masok sa isla.