Search
  • BULGAR

'Galawan' ng lalaking magnanakaw, buking!

JUN R. GUILLERMO / MODUS OPERANDI PINOY ISTAYL

ISANG liham-reklamo ang natanggap ng in­yong linkod hingil diu­mano sa isang lalaking gumagala sa mga fast­food chain, resto­ran at matataong lugar kung saan tina-target nito ang mga kumakain at nag-uusap sa lamesa o iba pang lugar na posible nitong ma­biktima sa kanyang modus-operandi.

Ang demonyong sus­­pek ay nasa katamtaman ang pangangatawan, mga 25 hanggang 30-anyos, medyo may kaputian, naka-bullcap at mga 5'6" hanggang 5'7" ang height.

Kapag may na-spot-an na itong biktima ay agad nitong lalapitan at mag­sasabing “kung nais daw nilang sumali sa dance contest ng baran­gay” kung saan sa pama­magitan ng mga mabu­bulaklak na pambo­bola nito, gayundin agad nitong bibigyan ng dala nitong papel na may mga nakasulat na “dance contest” para mapaniwala ang mga biktima.

Habang nilalansi ng hinayupak na suspek ang mga biktima ay agad ni­tong tatakpan ng dala nitong papel ang cell­phone ng mga biktima kung saan kumu­kuha ito ng timing para agad damputin ang ipina­tong na papel bitbit na ang cell­phone ng mga biktima. Kapag nagta­gumpay na ang balasubas na suspek sa pagnanakaw ay agad nitong iibahin ang tema ng usapan at agad tatakas kapag nalingat ang biktima.

Ang payo ng kolum na ito sa mga kababayan natin, maging mapagmat­yag, alerto at makiramdam sa mga taong lumalapit sa in­yo nang sa gayun ay hindi kayo mabiktima ng gagong suspek na kasalu­ku­yang gumagala.

Ingatan ninyo ang inyong gadgets at personal belongings dahil ‘yan ang puntirya ng mga kamag-anak ni Taning, ang ma­na­kawan kayo sa pama­ma­gitan ng mga pambo­bola.

Ikaw kaibigan, anong sey mo?

Laging tatandaan, wa­lang maloloko kung walang magpapaloko!

Ligtas ang may alam!

Kaya ikaw, ako, tayo… mag-ingat!

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.