Taga-Palasyo na nagpa-pakatuta sa China, turuang maging makabayan, period!
DAHIL SA KANYANG TRAIN LAW KAYA BUMAGSAK SI ANGARA SA RATING?—Kung sa mga nakaraang survey ay laging pang-anim sa ranking si Sen. Sonny Angara, eh, sa latest survey ng SWS ay bumagsak na siya sa pangsiyam.
Siguro, maraming Pinoy na rin ang nakaaalam na si Sen. Angara ang kinasangkapan ni P-Duterte para maipasa sa Senado ang TRAIN Law na nagpapahirap sa mamamayan kaya unti-unti nang bumabagsak ang kanyang rating sa mga survey.
Kung nais ni Sen. Angara na bumalik sa dati ang kanyang ranking sa survey, dapat pangunahan na niya sa Senado ang pagpapasuspinde sa TRAIN Law at mag-sorry sa publiko, period!
◘◘◘
TAGA-MALACAÑANG, DAPAT TURUAN NG PNP CHIEF NA MAGING MAKABAYAN —Nais ni PNP Chief Gen. Oscar Albayalde na turuan ang state university students tungkol sa nationalism o pagiging makabayan para raw hindi na nag-rally ang mga ito laban sa gobyerno.
Ganu’n, hindi kaya ang mainam na turuan ni Gen. Albayalde sa pagiging makabayan ay ang mga taga-Malacañang na nagpapakatuta sa China? Boom!
◘◘◘
BATANGAS PD QUILATES, IPINANGHIHINGI NG PAYOLA NG GRUPO NI ‘ABCEDE’ —Ipinanghihingi raw ng mga “tongpats” collector na sina “Abcede”, “De Guzman”, “Allan” at “Digoy” ng weekly payola sa operators ng drop balls at color games si Batangas PNP Director Sr. Supt. Edwin Quilates.
Ang tanong: May basbas ba ito ni PD Quilates? Kung walang basbas ni PD Quilates ang raket nina “Abcede”, “De Guzman”, “Allan” at “Digoy”, aba, dapat na niyang ipa-”tokhang” ang apat na “tongpats” collectors na ito, pati na ang operators ng drop balls at color games sa Batangas, period!
◘◘◘
SINO ANG PADRINO SA CUSTOMS NINA ‘TINA U’, ‘JRT’ AT ‘MANNY S.?’—Kung ang ibang smuggler daw ay pansamantalang itinigil ang kanilang raket sa Bureau of Customs dahil sa mainit na isyu ng puslitan ng shabu sa Adwana, eh, sina “Tina U”, “JRT” at “Manny S.” daw ay tuloy pa rin ang smuggling activities sa Bureau of Customs.
Sino kaya sa mga tauhan ni Commissioner Isidro Lapeña ang padrino ng tatlong smugglers na ito kaya hindi sila naglulubay sa kanilang raket sa Adwana? Abangan!
Comments