Malinaw ayon sa birthday...BEBOT NA NAKATAKDANG UMASENSO ANG CAREER

Maestro Honorio Ong

Dear Maestro,

Kasalukuyan akong salesclerk sa isang mall. Kailan kaya ako magka­ka­roon ng maganda at regu­lar na career?

November 21, 1993 ang birthday ko habang March 25, 1995 naman ang birth­day ng boy­friend ko.

Com­patible ba kami at kami na ba ang mag­kakatuluyan?

Bago lang ang re­lasyon namin, pero dati na ka­ming magkaibi­gan. Sana, mabigyang-pansin ninyo ang kata­nungan kong ito.

Umaasa,

Wella ng La Luna, Santo Tomas, Pangasinan

Dear Wella,

Kung ikalawang boy­friend mo na siya o ikatlo, sinasabing ang birthday mong November 21, 1993 at March 25, 1995 naman ang boyfriend mo ay sad­yang compatible para sa isa’t isa na ngangahu­lugang ma­laki ang tsansa na kayo na ang magka­ka­tu­luyan at mag­sasama sa pagbuo ng isang maligaya at pangha­bam­bu­hay na pamilya.

Samantala, ang birth date mong 21 o 3 (2+1=3) sa des­tiny number na 9 (11+21+ 1993=2025/ 20+ 25=45/ 4+5=9) sa zodiac sign na nasa pagitan ng Scorpio at Sagittarius ang nagsasabing medyo may kalituhan at sad­yang magulo ang mang­­yayari sa career mo, tulad din ng iyong zodiac sign na hindi mo malaman kung Scorpio o Sagitta­rius, na sa teknikal na termino ay tina­tawag ding “cusp”.

Ang “cusp” ay tulad din ng papaalis at papara­ting na planeta sa isang zodiac sign, alanganin kumbaga ang kan­yang puwesto.

Tulad din ng birth date mong November 21, medyo hindi pa ganap na Sagittarius ang nasabing petsa at ang petsa ring ‘yan ay halos pa­patapos na ang Scorpio at dahil medyo nakalilito nga, ha­los sa umpisa ay ga­yun­din ang iyong magi­ging career, tulad ng na­sabi na, medyo nakalilito.

Subalit, dahil 21 o 3 (2+1 =3) ang birth date mo na may ruling planet na Jupiter kung saan si Ju­piter ang pi­nakama­palad sa lahat ng pla­neta sa 12 zodiac signs. Ibig sabihin, darating ang pa­na­hong magtatamo ka ng ma­ra­ming magagandang ka­pa­laran lalo na sa career.

Basta ang mahalaga, ma­panaig mo sa pang-araw-araw mong kara­nasan ang impluwensiya ng planetang Jupiter sa ganitong mga sim­pleng paraan.

Una, lagi kang mag­suot ng kulay ni Jupiter na asul, violet, lila, ma­roon at red, higit lalo tu­wing sasapit ang mga petsang 3, 12, 21, 30, 6, 15, 24, 9, 18 at 27, lalo na kung ang nasabing mga petsa ay natapat sa mga araw ng Mar­tes, Huwebes at Bi­yernes.

Pangalawa, taasan mo ang iyong ambisyon. Ha­lim­bawa, salesclerk ka ngayon, ambisyunin mo na maging supervisor ka at kapag su­pervisor ka na, ‘wag kang tumigil, am­bisyunin mo na maging manager ka.

At kapag manager ka na, ‘wag ka pa ring tumigil na mag-ambisyon, pa­nga­ra­pin mong ikaw ay ma­ging may-ari ng mall na pinag­tatrabahuhan mo.

Sa lahat ng pangarap at anumang gusto mong gawin sa buhay, dapat pala­ging gan­yan ang maging konsepto ng iyong isipan, ‘ika nga “am­bisyoso o am­bisyosa” na siya rin na­mang totoong nais at ta­lagang ito ang sak­tong ka­hulugan ng planet­ang Ju­piter.

Matataas na mga pa­nga­rap at ambisyon sa bu­hay na sa bandang huli ay kusa namang nakaka­mit ng mga taong naiim­pluwensiyahan ng nasa­bing planeta.

Pangatlo, dapat mo ring malaman na ang iyong ma­palad na panahon ay mula sa ika-18 ng Oktubre hang­gang sa ika-27 ng Disyem­bre, mula sa ika-18 ng Mar­so hanggang sa ika-27 ng Abril at mula sa ika-18 ng Hulyo hanggang sa ika-27 ng Agosto.

Ang batong turquoise naman na ipinalalamuti sa ginto o kaya ay pilak na sing­sing ang magsisilbing taga-higop ng suwerte at taga-taboy ng negatibong kapa­laran, gayundin ang lahat ng uri ng bato o hiyas na kulay violet.

Sa sandaling nasunod mo ang mga simpleng reko­mendasyong nabanggit, Wella, tiyak ang magaganap sa taong 2020, tulad ng nasabi na, anuman ang ma­luluho at matataas mong mga ambisyon at pangarap sa buhay, sa nasabing pa­nahon, sa edad mong 27 pataas, kusa at isa-isa na itong matutupad.