Dahil kina Robredo at Hontiveros na hindi kilala, walang ‘K’ at nanalo | Nuisance candidates, dumami

BOBI TIGLAO / BANAT

KASALANAN nina Bise-Presidente Leni Robredo at Senadora Risa Hon­tiveros kaya kung sinu-sino na lang ang mga tatakbo para senador at kongres­man sa darating na taon at nag-file ng kanilang “certificates of can­didacy”.

Naiinis na ang Comelec dahil marami na raw ang mga tinatawag na “nuisance candidate”.

Itong “nuisance candidates” (kandi­datong pang-inis o mga nakaiinis na mga kandidato) ay ang mga tumatakbo para sa mga posisyon sa gobyerno, pero na­pakalinaw na wala silang pag-asang manalo.

Bakit kasalanan nina VP Leni at Sen. Risa ito, dahil ba tumakbo at nanalo sila kahit hin­di sila kilala at wala pang na­patutunayan sa taumbayan?

Marami ang nagpaparatang na na­nalo ang mga ito dahil sa bilyong pisong ipinakalat ng Partido Liberal noong 2016 para bumili ng boto.

Gayundin, daang milyon daw ang ginastos para makapandaya ang Smart­matic na nag-computerize ng bilangan para manalo ang dalawang ito.

Napakahirap paniwalaang natalo ni VP Leni si dating Sen. Ferdinand ‘Bong­bong’ Marcos, Jr., eh, ang malaking ba­hagi ng labanan para sa puwesto ay pagkakilala ng marami sa pangalan ng kandidato at ang “Marcos” ay limam­pung taon nang lumutang sa bayan dahil noong 1965 naging pangulo ang apelyi­dong ito.

Samantala, ang apelyidong “Rob­redo” ay lumutang nang mamatay sa aksidente ang asawa ni VP Leni na si Jesse noong 2012, ngunit, mismong si Jesse ay hindi rin kilala.

Kaya nag-demand si Sen. ‘Bongbong’ na magbilangan ulit upang mapatuna­yan kung totoo na walang nangyaring dayaan sa na­sabing bilangan dahil na­pakalinaw ng dayaan sa ilang mga pre­sinto. Sa ilang lugar sa Mindanao, sa ma­niwala kayo o hindi, wala raw bumoto kay Sen. ‘Bongbong’.

Itong si Sen. Risa, pinasikat ng ilang taon ni dating Pangulong Benigno ‘Noy­noy’ Aquino III bilang director ng Phil­Health na ginamit daw ang pera nito para sa kam­panya niya.

Maniniwala ba kayo na si Sen. Risa Hon­tiveros na hindi rin sikat ang pa­ngalan ay tinalo niya noong 2016 ang mga kandidato na mayroong kilalang mga pangalan tulad nina Sergio Osme­ña, Martin Romualdez, Mark Lapid at Susan Ople?

Kaya dahil nanalo o nakapandaya raw, ang mga hindi kilalang kandidato na tulad nina VP Leni at Sen. Risa ay ma­­rami-rami rin ang nag-isip na sila rin ay may pag-asang manalo kahit hindi sila kilala at wala pang napatunayan.

Maniniwala ba kayo na sa 37 taong nag-file ng certificates of candidacy para se­nador ay wala pang sampu ang masa­sabi nating kilala ang pangalan para ma­naginip na maging senador?

Pero sa totoo lang, nakababahala rin na baka makalusot sila bilang senador dahil sa puwersa ng NPA at ng mga ko­munista, ang mga representante o ka­kampi nila tulad ng dating pulahang kongresman.