Bago mag-file ng COC konsehal tinodas

UTAS matapos pagba­ba­rilin ang isang konsehal sa Ju­ban, Sorsogon Province. Kinilala ang biktima na si Emmelio Guab, 42.

Alas-8:00 ng gabi, na­nonood ng basketball sa co­vered court sa Lajong Ele­mentary School ang biktima nang lapitan ito ng mga sus­pek at puntiryahin.

Nagtamo ng maraming tama ng bala sa iba’t ibang bahagi ng katawan si Guab na na­ging dahilan ng agaran nitong pag­kamatay.

Tumakas ang tatlong sus­pek na sakay ng mo­tor­siklo matapos ang krimen. Narekober sa lugar ang anim na basyo ng hindi pa natu­koy na kalibre ng baril. Inaalam na ng pu­lisya ang motibo sa krimen.

Samantala, utas din ang konsehal matapos pagbaba­rilin sa Masbate. Alas-9:30 ng umaga nang itinumba si Antonio de Ocampo, kon­sehal sa Placer sa Masbate, sa Bgy. Katipunan.

Kasama ni De Ocampo ang kamag-anak na si Mi­chael Angelo de Ocampo na nakaligtas sa pananambang at patuloy na ginagamot sa ospital. Sinasabing may planong tumakbong muli sa nalalapit sa halalan ang biktima at na­katakda sanang maghain ng kanyang certificate of candi­dacy sa Lunes.