Indonesia, sunud-sunod ang lindol, ingat Pilipinas!

KA AMBO / BISTADO

SUNUD-SUNOD ang malalakas na lindol sa Indonesia.

Maging babala sana ito sa Pilipinas!

◘◘◘

WALA nang nagrerek­lamo sa presyo ng bigas.

Nakakolekta na kasi ang mga ismagler!

◘◘◘

WALA na ring ulat tung­kol sa jeepney modernization.

Propaganda ang lahat!

◘◘◘

WALA pa ring nakasa­pol sa P1.1 bilyong lotto jackpot.

Huh, baka maituro na tayong jackpot winner?

◘◘◘

DAPAT bang matuwa kapag nanalo ng lotto jackpot?

Hindi!

Bakit?

Sapagkat may karma ‘yan.

Ang panalo sa lotto ay nagmula sa milyun-milyong Pinoy na natalo.

◘◘◘

KAILANGAN ng may manalo sa lotto jackpot.

Kasi marami nang pamil­ya ang hindi na nagsasaing ng bigas dahil ipinantaya na ni nanay sa lotto combination.

‘Yung iba, tanghalian na kung kumain.

‘Yung badyet sa break­fast at dinner nila ang ipinantataya sa lotto.

◘◘◘

HINDI ba kayo nagta­ta­ka, may “dagdag” na presyo ang halaga ng tiket sa lotto?

Buwis natin ‘yan sa bawat taya!

◘◘◘

KAHIT hindi tayo mana­lo, magbabayad tayo ng bu­wis sa ating pagtaya sa lotto.

‘Pag nanalo tayo, panibagong buwis ‘yan.

‘Pag inilagak natin sa bangko ang panalo sa lotto, panibagong buwis ‘yan.

Tripleng taxation!

◘◘◘

KUNG umabot sa higit sa P1bilyon ang jackpot, tiyak na milyun-milyong Pinoy ang bibili ng tiket.

Meaning, hindi mako­korner ang salapi ng bettors, bagkus, bilyong bu­wis ang makukubra ng gobyerno.

◘◘◘

ASAHAN ang paglobo ng jackpot sa iba pang lotto system.

Bagong modus ‘yan sa pagkolekta ng buwis!

◘◘◘

MARAMING nagda­rahop ang nangangarap na magwagi sa lotto.

Ibig sabihin, ang iyong “pangarap” ay may “buwis” na rin!