13 TV channels para sa distance learning, sagot ni Pacquiao

ni Ronalyn Seminiano Reonico | September 14, 2020

Sasagutin na ni Senator Manny Pacquiao ang gastusin para sa operasyon ng 13 TV channels na kinakailangan ng gobyerno para sa distance learning.

Pahayag ni Pacquiao, ang kanyang desisyon ay para sa mga estudyante mula sa malalayong lugar kung saan mahirap o walang access sa internet connection na kinakailangan para sa online learning.

Aniya, "Alam ko rin na hindi pa 100% coverage 'yang internet natin sa Pilipinas, kaya kahit may pambili ka ng laptop o gadget, hindi ka pa rin nakakasiguro na aabot sa 'yo ang mga aralin buhat sa DepEd.

"Sa tulong ng mga nasa industriya ng telecommunications, nagawan namin ng paraan para may magamit na 13 TV channels ang DepEd nang walang gastos sa gobyerno at mga estudyante. Kaya wala nang dahilan para hindi matuloy ang pag-aaral ng mga bata ngayong darating na pasukan.”