Kahulugan ng namitas ng prutas sa likod-bahay

ni Estrellia de Luna - @Panaginip gabay ng buhay | January 10, 2022

Analisahin natin ang panaginip na ipinadala ni Esmer ng Taguig.

Dear Maestra,

Gustong-gusto ko ang column ninyo dahil ang sarap basahin at nagiging gabay ko talaga para makaiwas sa hindi magagandang pangyayari. Gusto kong malaman ang kahulugan ng panaginip ko na pumunta ako sa taniman namin ng mga gulay at prutas sa likod-babay.

Tapos namitas ako ng mga prutas at andami kong nakuhang oranges, kaya tuwang-tuwa ako.

Ano ang ibig ipahiwatig ng panaginip ko?

Naghihintay,

Esmer

Sa iyo, Esmer,

Maganda ang ibig sabihin ng panaginip mo na namitas ka ng prutas dahil ito ay nagpapahiwatig na makakamana ka ng ari-arian mula sa yumao mong mahal sa buhay.

Kung kulay berde pa ang napitas mo, matatagalan pa para mapasaiyo ang mamanahin mo at kung hinog na at sabi mo ay mga oranges ang nakuha mo, ito ay nangangahulugan ng nalalapit na paglalakbay kasama ng iyong mga kaibigan.

Matapat na sumasaiyo,

Maestra Estrellia De Luna