Iginupo ng COVID-19 si 1960 Rome Olympics bronze medalist Robert Beck.
Ang dating podium finisher sa summer spectacle mula sa Estados Unidos ay 83 taong gulang.
Isang head injury ang naging dahilan ng pagpasok sa ospital noong Pebrero ng disipulo ng modern pentathlon. Dinapuan si Beck ng coronavirus habang nakaratay siya sa pagamutan.
Bukod sa dalawang tansong medalyang nasikwat ni Beck noong 1960 olympiad, isinabit din sa leeg niya ang mga gintong medalya sa Sao Palo 1963 Pan American Games.
Kasama na si Beck sa listahan ng mga sports luminaries na yumao na rin sanhi ng COVID-19, ang dating opisyal ng International Canoe Federation officer (Marcel Venot, France), ang minsang naging bahagi ng Japanese Olympic Committee (Matsushita Saburo, Japan),isang opisyal ng International Fencing (Antonio Melo, Venezuela), unang black boxing referee ng Olympics (Carmen Williamson, USA), dating Southeast Asian Games swimming champion (Lukman Niode, Indonesia), at isang dating European middle distance track king (Donato Sabia, Italy) at dating marathon luminary (Francesco Perrone, Italy).