Xander Ford, ipinakilala na sa publiko ang BF

ni Ronalyn Seminiano Reonico | July 23, 2020

Sa isang video interview, titled "Xander Ford Interview with His Boyfriend," ipinakilala na ni Marlou Arizala, a.k.a. Xander Ford ang kanyang boyfriend matapos niyang ibulgar kamakailan ang pagiging bisexual niya.

Sa umpisa ng video, sey ni Xander habang katabi ang isang lalaking naka-mask, “I’m with my love one. Hindi ko siya ipapakita sa inyo kasi medyo nahihiya pa ako kasi medyo…private po ito. Private ‘yung kung ano man ‘yung meron. So, siya na ‘yun.”

May dalawang nag-interview kay Xander at sa kanyang BF. Nang matanong kung kailan nagsimula ang kanilang relasyon, kuwento ni Xander, "Magkabigan po kami since 2018 tapos nagkaka-chat na po kami. Then close na po kami and hindi pa kami nagmi-meet no’n then 2019, do’n na kami nag-meet. Tapos tropa kami. Sobrang magkaibigan ganon tapos nagbibigay ako sa kanya ng mga problema ko tapos siya rin nagbibigay sa akin ng problema.

“Advice-advice po kaming dalawa kaya nagkapalagayan po kaming dalawa.”

“‘Yung nalaman niya na ganito ako, sabi niya sa akin na parang mas naintindihan niya ako kaysa sa dami ng taong hindi ako naiintindihan so ako, naniwala ako sa kanya. Kaya ‘yung sinasabi po nila kung kailan naging kami, parang biglaan na lang na naramdaman namin.”