Wanted sa sorsogon, tiklo sa laguna

@Balitang Probinsiya | June 16, 2023

LAGUNA -- Isang wanted na construction worker sa Sorsogon ang nadakip ng mga tauhan ng pulisya kamakalawa sa kanyang hideout sa Bgy. Landayan, San Pedro City sa lalawigang ito.

Kinilala ng pulisya ang suspek na si Jesus Briones, nasa hustong gulang at pansamantalang nakatira sa nabanggit na barangay.

Napag-alaman na dinakip ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong 3-counts ng kasong sexual abuse sa Sorsogon.

Nabatid na may nagbigay impormasyon sa pulisya sa pinagtataguan ni Briones kaya agad itong sinalakay ng mga awtoridad at nadakip ang suspek.

Nakapiit na ngayon ang suspek sa detention cell ng himpilan ng pulisya.