Wanted sa child abuse, arestado

@Balitang Probinsiya | July 14, 2023

AKLAN -- Isang 19-anyos na binata na wanted sa kasong child abuse ang dinakip ng pulisya kamakalawa sa Bgy. Fulgencio, Balete sa lalawigang ito.

Ang suspek ay kinilala ng mga awtoridad na si Markier Manalo, nakatira sa nabanggit na barangay.

Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa ginawa nitong pang-aabuso sa isang bata sa nasabing lalawigan.

Ayon sa ulat, nakita ng mga awtoridad ang suspek na umuwi sa kanilang bahay kaya agad nila itong pinuntahan at dinakip.

Kusang sumama sa pulisya ang suspek nang ito ay arestuhin.