Wanted sa Camarines Norte, tiklo sa Laguna
BULGAR
Nov 27, 2022
1 min read
@Balitang Probinsiya | November 27, 2022
LAGUNA—Isang notoryus na wanted sa Camarines Norte ang naaresto ng pulisya kamakalawa sa kanyang hideout sa San Pablo City.
Kinilala lang muna ng pulisya ang suspek sa alyas na Ken, nasa hustong gulang at pansamantalang nakatira sa nabanggit na lungsod.
Ayon sa ulat, matagal nang pinaghahanap ng pulisya ang suspek dahil sa kaso nitong attempted homicide sa Daet, Camarines Norte at kamakalawa lang ito natiyempuhang dakpin sa kanyang hideout sa Laguna.
Nakapiit na ang suspek sa detention cell ng himpilan ng pulisya.
Comments