Wanted sa bulacan, tiklo sa Laguna
BULGAR
Nov 10, 2022
1 min read
@Balitang Probinsiya | November 10, 2022
LAGUNA—Isang notoryus na wanted sa Bulacan ang naaresto ng pulisya kamakalawa sa kanyang hideout sa bayan ng Lumban.
Kinilala ng pulisya ang suspek na si Enrico Cruz, nasa hustong gulang at pansamantalang nakatira sa nabanggit na bayan.
Ayon sa ulat, matagal nang pinaghahanap ng pulisya ang suspek dahil sa kaso nitong homicide at attempted homicide sa Guiguinto, Bulacan, at kamakalawa lang ito natiyempuhang dakpin sa kanyang hideout sa Laguna.
Hindi naman nanlaban ang suspek nang dakpin siya ng mga awtoridad sa naturang lugar.
Nakapiit na ang suspek sa detention cell ng himpilan ng pulisya.
Comments