Wanted sa Batangas arestado sa Rizal
- BULGAR
- Mar 28, 2023
- 1 min read
@Balitang Probinsiya | March 28, 2023
RIZAL—Isang wanted na holdaper sa Batangas ang naaresto ng mga tauhan ng pulisya kamakalawa sa kanyang hideout sa Bgy. San Andres, Cainta sa lalawigang ito.
Kinilala ang suspek na si John Adrian Liwag, nasa hustong gulang at pansamantalang nakatira sa nasabing barangay.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong robbery sa Batangas.
Napag-alaman na may nag-tip sa pulisya sa pinatataguan ni Liwag kaya agad rumesponde ang mga operatiba at dinakip ang suspek.
Nakapiit na ngayon ang suspek sa detention cell ng himpilan ng pulisya.
Comments