Wanted na sabungero arestado

@Balitang Probinsiya | Pebrero 22, 2023

AKLAN — Isang wanted na sabungero ang naaresto ng mga tauhan ng pulisya kamakalawa sa Bgy. Catmon, Altavas sa lalawigang ito.

Kinilala ang suspek na si Crisologo Valero, 59, residente ng nasabing barangay.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong illegal gambling.

Ayon sa ulat, may nagbigay impormasyon sa pulisya na umuwi sa kanilang bahay ang wanted na sabungero kaya agad rumesponde ang pulisya at dinakip ang suspek.

Hindi naman nanlaban ang suspek at ngayon ay nakapiit na.