Wanted na rapist, huli sa hideout

@Balitang Probinsiya | August 4, 2023

CAMARINES NORTE -- Isang wanted na rapist ang nadakip ng pulisya kamakalawa sa kanyang hideout sa Bgy. Bagacay, Labo sa lalawigang ito.

Hindi na muna pinangalanan ng ma awtoridad ang suspek habang iniimbestigahan pa.

Napag-alaman na dinakip ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape at acts of lasciviousness sa lalawigan.

Nabatid na may nagbigay impormasyon sa pulisya sa pinagtataguan ng suspek kaya agad nila itong sinalakay at inaresto ang rapist.

Nakapiit na ngayon ang suspek sa detention cell ng himpilan ng pulisya.