Wanted na rapist huli sa hideout

@Balitang Probinsiya | April 20, 2023

PALAWAN—Isang most wanted na rapist ang naaresto ng mga tauhan ng pulisya, kamakalawa sa kanyang hideout sa Bgy. Bohol, Dumaran sa lalawigang ito.

Kinilala ang suspek na si Arnel Abis, 51, at pansamantalang nakatira sa nabanggit na bayan.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Ayon sa ulat, may nagbigay ng impormasyon sa pinagtataguan ng rapist kaya agad rumesponde ang pulisya at dinakip ang suspek sa nasabing lugar.

Nakapiit na ngayon ang suspek sa himpilan ng pulisya.