Wanted na rapist huli sa hideout

@Balitang Probinsiya | Pebrero 5, 2023

ALBAY – Isang wanted na rapist ang naaresto ng mga tauhan ng pulisya kamakalawa sa kanyang hideout sa Bgy. Bitano, Legazpi City sa lalawigang ito.

Itinago muna ng pulisya ang suspek sa alyas na "Jojo" habang iniimbestigahan ito ng mga awtoridad.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Ayon sa ulat, may nag-tip na residente sa pinagtataguan ng rapist kaya agad rumesponde ang pulisya at dinakip ang suspek sa nasabing lugar.

Hindi naman nanlaban ang suspek at ngayon ay nakapiit na siya sa detention cell ng himpilan ng pulisya.