@Balitang Probinsiya | December 6, 2023
BATANGAS -- Isang wanted na rapist ang nadakip ng pulisya kamakalawa sa kanyang hideout sa Brgy. Poblacion Uno, Bauan sa lalawigang ito.
Hindi na muna pinangalanan ng mga otoridad ang suspek habang iniimbestigahan pa ito.
Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.
Napag-alaman na may nagbigay impormasyon sa pulisya sa pinagtataguan ng suspek kaya rumesponde ang mga otoridad at inaresto ang nasabing rapist.
Hindi naman nanlaban ang suspek sa pulisya at sa ngayon ay nakapiit na sa detention cell ng himpilan ng pulisya.
Comments