Wanted na rapist, arestado

@Balitang Probinsiya | November 5, 2021

CAGAYAN--Isang wanted na rapist ang naaresto ng pulisya kamakalawa sa kanyang hideout sa Bgy. Naguilattan, Penablanca.

Kinilala ng pulisya ang suspek na si Michael Marcos, 36-anyos at pansamantalang nakatira sa nabanggit na barangay.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong panggagahasa sa kanyang stepdaughter sa lalawigan.

Ayon sa ulat, nakita ng mga nagpapatrulyang operatiba ang suspek sa nasabing lugar kaya agad itong dinakip.

Hindi naman nanlaban ang suspek at ngayon ay nakapiit na siya sa detention cell ng himpilan ng pulisya.