Wanted na pusher, nasakote

@Balitang Probinsiya | April 15, 2023

CAPIZ—Isang wanted na drug pusher ang naaresto, kamakalawa sa Bgy. Cagay, Roxas City sa lalawigang ito.

Kinilala ang suspek na si Ace Azarce, 37, nakatira sa nasabing barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa Comprehensive Dangerous Drugs Act of 2002.

Napag-alaman na nakita ng mga awtoridad si Azarce na umuwi sa kanilang bahay kaya agad itong dinakip.

Hindi naman nanlaban ang suspek nang dakpin siya ng mga operatiba at ngayon ay nakapiit na siya sa detention cell ng himpilan ng pulisya.