Wanted na manyakis, arestado

@Balitang Probinsiya | December 06, 2021

CAPIZ--Isang wanted na manyakis na nanghalay sa batang babae ang nadakip ng pulisya kamakalawa sa kanyang hideout sa Bgy. Poblacion Norte, Ivisan.

Kinilala ng pulisya ang suspek si Efren Flores, nasa hustong gulang at pansamantalang nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong acts of lasciviousness at child abuse sa lalawigan.

Nabatid na may nagbigay-impormasyon sa pulisya sa pinagtataguan ni Flores kaya rumesponde ang mga awtoridad at inaresto ang suspek.

Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.