Wanted na mangingisda nasakote
BULGAR
Jan 13, 2023
1 min read
@Balitang Probinsiya | Enero 13, 2023
SORSOGON—Isang wanted na mangingisda ang naaresto ng pulisya kamakalawa sa Bgy. Quezon, Bulan.
Kinilala ng pulisya ang suspek na si Aljun Gimoro, nasa hustong gulang at nakatira sa nabanggit na barangay.
Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong paglabag sa Philippine Fisheries Code of 1998.
Ayon sa ulat, nakita ng mga awtoridad na umuwi sa kanilang bahay si Gimoro kaya agad itong dinakip ng mga operatiba.
Hindi naman nanlaban ang suspek at ngayon ay nakapiit na siya sa detention cell ng himpilan ng pulisya.
Comments