Wanted na magsasaka, timbog

@Balitang Probinsiya | February 27, 2021

CAPIZ—Isang wanted na magsasaka ang nadakip ng pulisya kamakalawa sa kanyang hideout sa Bgy. Nicolas, Tapaz.

Kinilala ng pulisya ang suspek na si Sonny Fucbot, nakatira sa Jamindan sa nabanggit na lalawigan.

Napag-alamang inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong homicide sa lalawigan.

Nabatid na may nag-tip sa pulisya sa pinagtataguan ni Fucbot kaya agad rumesponde ang mga operatiba dahilan kaya nadakip ang suspek.

Hindi naman nanlaban ang suspek nang dakpin siya ng pulisya sa naturang barangay.