Wanted na killer, timbog sa hideout

@Balitang Probinsiya | May 9, 2023

CAPIZ—Isang most wanted na killer ang nadakip ng mga awtoridad, kamakalawa sa kanyang hideout sa Bgy. Lagdungan, Tapaz sa lalawigang ito.

Ang suspek ay kinilala na si Romy Cerbas, nasa hustong gulang at pansamantalang nakatira sa nasabing barangay.

Ayon sa ulat, inaresto ng pulisya ang suspek kaugnay sa kinasasangkutan nitong kasong murder sa lalawigan.

Nabatid na matagal nang pinaghahanap ng pulisya ang suspek at kamakalawa lang ito natiyempuhang dakpin.

Kusang sumama ang suspek sa pulisya nang dakpin siya sa nasabing barangay.