Wanted na killer sa masbate, timbog

@Balitang Probinsiya | March 12, 2023

CEBU—Isang wanted na killer sa Masbate ang naaresto ng mga tauhan ng pulisya kamakalawa sa kanyang hideout sa Bgy. Canduman, Mandaue City sa lalawigang ito.

Kinilala ng pulisya ang suspek na si Rey Buhia, tubong Masbate at pansamantalang nakatira sa nasabing barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa Masbate

Napag-alaman na may nag-tip sa pulisya sa pinatataguan ni Buhia kaya agad rumesponde ang mga operatiba at dinakip ang suspek.

Nakapiit na ngayon ang suspek sa detention cell ng himpilan ng pulisya.