Wanted na killer, nasakote

@Balitang Probinsiya | Pebrero 12, 2024

NEGROS OCCIDENTAL -- Isang most wanted na killer ang nadakip ng pulisya kamakalawa sa kanyang hideout sa bayan ng Hinigiran sa lalawigang ito.

Hindi na muna pinangalanan ng otoridad ang suspek habang iniimbestigahan ito sa himpilan ng pulisya.

Ayon sa ulat, inaresto ng mga pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.

Nabatid na matagal nang pinaghahanap ng mga otoridad ang suspek at kamakalawa lang ito natiyempuhang dakpin.

Kusang sumama naman ang suspek sa pulisya nang dakpin siya ng mga operatiba sa nasabing bayan.