Wanted na killer, nasakote

@Balitang Probinsiya | November 14, 2020

BATANGAS—Isang wanted na killer ang naaresto ng pulisya kamakalawa sa Bgy. Antipolo, Lipa City.

Kinilala ng pulisya ang suspek na si Joshua Bautista, nakatira sa naturang barangay.

Nabatid na inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.

Napag-alamang may nag-tip sa pulisya na nasa loob ng kanilang bahay si Bautista kaya agad rumesponde ang mga awtoridad at dito dinakip ang suspek.

Kusa namang sumama at hindi na nanlaban ang suspek nang dakpin siya ng mga awtoridad sa nasabing barangay.