Wanted na killer arestado

@Balitang Probinsiya | March 23, 2023

NUEVA ECIJA—Isang wanted na killer ang naaresto ng mga tauhan ng pulisya kamakalawa sa kanyang hideout sa Bgy. Diversion, San Leonardo sa lalawigang ito.

Kinilala ng pulisya ang suspek na si Reynaldo Bauto, nasa hustong gulang at pansamantalang nakatira sa nasabing barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.

Napag-alaman na may nag-tip sa pulisya sa pinagtataguan ni Bauto kaya agad rumesponde ang mga operatiba at dinakip ang suspek.

Nakapiit na ngayon ang suspek sa detention cell ng himpilan ng pulisya.