Wanted na kidnaper, todas sa shootout

@Balitang Probinsiya | November 13, 2020

ZAMBOANGA SIBUGAY—Isang wanted na kidnaper ang napatay nang manlaban at

makipagbarilan sa mga awtoridad kamakalawa sa Bgy. Musso, Tungawan.

Ang suspek ay nakilalang si Sakip Alidjam, nakatira sa naturang barangay.

Ayon sa ulat, aarestuhin sana ng mga operatiba si Alidjam sa bisa ng warrant of arrest kaugnay sa kinasasangkutan nitong kasong kidnapping, pero biglang pinagbabaril ng suspek ang mga tauhan ng pulisya.

Kaagad gumanti ng putok ang mga awtoridad kaya napatay ang suspek na nagtamo ng mga tama ng bala sa katawan.

Nakakumpiska ang mga awtoridad ng baril at mga bala sa pinangyarihan ng insidente.