Wanted na karnaper, timbog

@Balitang Probinsiya | June 4, 2023

CAPIZ—Isang wanted na karnaper ang inaresto ng mga tauhan ng pulisya kamakalawa sa Bgy. Lawaan, Roxas City sa lalawigang ito.

Ang suspek ay kinilala na si Joemarie Altamia, nasa hustong gulang at residente sa nabanggit na lungsod.

Ayon sa ulat, inaresto ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping sa lalawigan.

Nabatid na matagal nang pinaghahanap ng pulisya ang suspek.

Hindi naman nanlaban ang suspek sa mga awtoridad at sa ngayon ay nakapiit na sa detention cell ng himpilan ng pulisya.