Wanted na karnaper natimbog

@Balitang Probinsiya | March 4, 2023

NUEVA ECIJA—Isang wanted na karnaper ang inaresto ng mga tauhan ng pulisya kamakalawa sa bayan ng Guimba sa lalawigang ito.

Kinilala ng pulisya ang suspek na si Jordan Flores, nasa hustong gulang at residente ng nabanggit na bayan.

Ayon sa ulat, inaresto ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping sa lalawigan.

Nabatid na matagal nang pinaghananap ng pulisya ang suspek at kamakalawa lang ito natiyempuhang madakip.

Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.