Wanted na karnaper nasakote

@Balitang Probinsiya | May 26, 2023

CAPIZ—Isang wanted na karnaper sa Iloilo ang inaresto ng mga tauhan ng pulisya kamakalawa sa kanyang hideout sa Bgy. Centro, Dao sa lalawigang ito.

Ang suspek ay na si Kyle Bajador, nasa hustong gulang at pansamantalang nakatira sa nasabing barangay.

Ayon sa ulat, inaresto ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping sa Iloilo.

Nabatid na matagal nang pinaghananap ng pulisya ang suspek at kamakalawa lang itong natiyempuhang madakip.

Hindi naman nanlaban ang suspek sa mga awtoridad at ngayon ay nakapiit na siya sa detention cell ng himpilan ng pulisya.