Wanted na karnaper nasakote
- BULGAR
- Dec 13, 2022
- 1 min read
@Balitang Probinsiya | December 13, 2022
CAMARINES NORTE—Isang wanted na karnaper ang inaresto ng pulisya kamakalawa sa Bgy. Sto. Domingo, Vinzons.
Hindi muna pinangalanan ang suspek habang iniimbestigahan ito ng mga awtoridad.
Ayon sa ulat, inaresto ang suspek sa bisa ng warrant of arrest na inisyu ng korte kaugnay sa kinasasangkutan nitong kasong carnapping sa lalawigan.
Nabatid na matagal nang pinaghananap ng pulisya ang suspek at kamakalawa lang ito natiyempuhang madakip.
Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.
Comments